الخصوصية والشروط
شكون إحنا
كلّمني (kallamni.tn) تبيع ستيكرات QR للبراربريز تخلّي أي واحد يعلّم صاحب الكرهبة من غير ما يعرف نمرتو.
البيانات اللي نجمعوها
الطلبية: الاسم، نمرة التلفون، المدينة. التفعيل: نمرة الواتساب وإسم الكرهبة (اختياري). الميساجات: النص اللي يبعثو اللي يسكاني. الأمان: بصمة مشفّرة من عنوان الـIP، موش العنوان نفسو.
علاش نستعملوها
باش نوصلولك الطلبية، نفعّلو الستيكر، نبعثولك الميساجات ونمنعو التجاوزات. ما نبيعوش بياناتك.
نمرتك تبقى سرّ
ما تتكتبش على الستيكر وما تتبانش أبدا للّي يسكاني.
حقوقك
تنجّم تطلب الاطلاع على بياناتك، تصحيحها ولا فسخها، وتوقّف الستيكر وقت ما تحب (ابعث STOP على واتساب). حسب القانون الأساسي عدد 63 لسنة 2004 المتعلق بحماية المعطيات الشخصية.
مدة الحفظ
الميساجات نحتفظو بيها 90 يوم. بيانات الطلبيات بقدر ما يلزم للتسيير والالتزامات القانونية.
اتصل بينا
اكتبلنا على واتساب ولا على العنوان المذكور في الموقع.